U Lifestyle
深圳攻略
【深圳地鐵13號線】8大沿線美食推介 高CP值海鮮盛宴/藍鰭吞拿魚刺身/現拆蟹肉
隨住連接深圳灣口岸嘅地鐵13號線逐步開通，可以同一條線去晒港人常去嘅深圳灣萬象城、海岸城等多個大型商場，絕對係港人北上消費嘅便利交通之選！今次小編就精選出社群U Creatar力推8間沿線必食餐廳，由幾百蚊歎海鮮盛宴，到蟹控最愛蟹粉專門店！各位吃貨一定要save低呢個美食清單，全線由頭食到尾！🍽️😋
-----------------
【社群請您飲】大派霸王茶姬大紅袍系列350杯！🌸
茶飲控注意！社群送您霸王茶姬大紅袍茶飲350杯，包括經典「白霧紅塵」及全新「肉桂橙大紅袍」，為大家獻上立春第一杯好茶🍵！即日起至2026年2月22日，簡單登記即有機會免費試飲兼帶走限定馬年掛飾～
免費試飲大紅袍茶飲
-----------------
深圳地鐵13號線簡介：
連接深圳灣口岸嘅「深圳地鐵13號線」正式開通！線路由南起「深圳灣口岸站」，至北「上屋站」，串聯南山區、寶安區，包括後海中心區、深圳灣萬象城、高新科技園及多個熱門商場及公園，全長約22.4公里，設16個車站，可以轉乘1/2/5/6/9/11號線。值得一提嘅係，13號線列車採用GoA4級全自動駕駛列車運行控制系統，所以係無司機駕駛㗎！
-----------------
深圳地鐵13號線美食餐廳推介：
1️⃣KIIWII奇異慢活
想喺深圳高CP值歎到高級又精緻嘅西餐，咁您就一定要嚟深圳灣萬象城呢間！餐廳採用新西蘭風格嘅裝潢，以紅色為主色配搭藝術花紋，設有戶外座位，擺有大大小小嘅燈飾，氛圍夠晒浪漫！而且菜式都好豐富，主打創意西式料理，社群U Creator推介澳洲安格斯三角牛扒，擺盤精緻都好適合打卡，絕對係情侶約會必去餐廳！
📍地址：深圳後海站深圳灣萬象城二期C區二樓CL23
🚆交通：深圳地鐵人才公園站B1出口/後海站H/G出口
> “pickyfoodie_isme” 分享詳細餐廳食評<
-----------------
2️⃣ 蟹叁寳
蟹控絕對唔可以錯過呢間「蟹叁寳」！依家喺深圳萬象城都食到呢間深圳首間蟹粉專營店！招牌「蟹黃金撈」濃縮咗約10隻大閘蟹，手拆蟹黃、蟹膏與蟹肉製成一碗蟹黃麵，份量十足超足料！另外仲有蟹家宴蟹黃煲仔飯、蟹黃小籠湯包都大受社群U Creator好評，睇到小編都好想親自去試下！
📍地址：深圳南山區海德二道1111號深圳灣海德1號B1層綠谷廣場03鋪
🚆交通：深圳地鐵後海站K1出口
> “chingchingjaiii” 分享深圳萬象城蟹叁寳必點菜式及食評<
-----------------
3️⃣蟹興記
想食到超澎湃又足料嘅蟹黃麵，蟹控港人最愛嘅「蟹興記」您一定要去食！雖然全國各地都有多間分店，不過深圳就只有一間位於後海海岸城嘅分店。佢出名高CP值食到超足料又新鮮嘅蟹黃麵，居然只需¥98就可以食到大碗又滿瀉嘅蟹黄金撈麵，仲可以免費續面添！鍾意食蟹嘅您記得bookmark低啦～
📍地址：深圳南山區海岸城保利文化廣場A區二樓步行街A2-03室
🚆交通：深圳地鐵後海站D1出口
> “Angel Lee” 分享蟹興記海岸城店食評<
-----------------
4️⃣錦堂春想（南山店）
團年飯未諗好食咩，又想食得高級啲，不妨去位於深圳「錦堂春想」體驗尊貴服務同埋精緻粵菜！餐廳裝潢以藍白色為主，帶有嶺南風格及現代時尚感，環境夠晒雅緻！餐廳門外擺放有生猛海鮮池，由平價到貴價海鮮應有盡有，而且都係現撈現整，保證新鮮！
📍地址：南山區後海海德三道1236號大成基金總部大廈4樓
🚆交通：深圳地鐵後海站M出口
> “大大粒” 詳細分享深圳高質粵菜府食評<
-----------------
5️⃣海金SeaGold 壽司丼飯屋
南山區原來有間超高性價比而且用料講究嘅日式餐廳！呢間「海金SeaGold 壽司丼飯屋」由20年日料總廚主廚主理，食材於世界各地搜羅時令海鮮，保證新鮮又高質！您可以輕鬆歎到海膽、金槍魚等海鮮刺身，仲有壽司、燒物、炸物等菜式，店員會講解每道菜嘅食材，服務滿分！最重要就係，平均$200/位就食到咁高質嘅日本料理，日食控一定要bookmark低啦！
📍地址：南山區科苑南路與創業路交匯處深圳灣文化廣場B 1-35
🚆交通：深圳地鐵人才公園站B1出口
> “ifoodies_dog” 同您介紹南山區人氣日式餐廳必點菜式<
-----------------
6️⃣悦景匯
粵菜迷可以考慮去南山區附近食呢間「悅景匯」，餐廳裝修以民國風情為主，空間寬敞，而且設有獨立包廂，適合商務聚餐或者慶祝大日子！客人可以於海鮮池挑選各種如龍蝦、螃蟹等生猛海鮮，再由廚師即場烹製，一定夠新鮮！社群U Creator表示餐廳粵菜味道夠正宗，而且價錢合理，無論係服務、環境或者係食物質素都係高評價！
📍地址：南山區科苑南路3176號彩汛大廈2樓及3樓
🚆交通：深圳地鐵粵海門站F1出口
>即睇 “Bigmouth_jai” 分享詳細餐廳食評啦<
-----------------
7️⃣火璽•園
相信唔少北上港人都聽過高質粵菜餐廳「火璽•園」！呢度環境奢華，每張枱都有玫瑰花瓣點綴，生日或紀念日更提供免費佈置，浪漫又夠晒儀式感！ 提大家必點每日限量 10 份嘅招牌菜「仙鶴神針」，將頂級魚翅釀入去骨乳鴿，口感香濃爽滑！想歎精緻粵菜嘅您就記得提前 Book 位同預留招牌菜啊！
📍地址：南山區蔚藍海岸社區創業路1777號海信南方大廈106-8
🚆交通：深圳地鐵人才公園站C出口
> “heimen” 拍片詳細打卡深圳人氣餐廳火璽•園美食<
-----------------
8️⃣ 漁火·ISARIB炭火烤肉(南山店)
原來南山區有一間開咗23年，深受本地人歡迎嘅日式炭火烤肉餐廳！餐廳可以食到每日新鮮直送生蠔、即叫即製炭烤鮑魚、A5和牛等等，而且香港人出示回鄉證仲可以免費送黑虎蝦，食齊咁多款海鮮烤肉都只係¥150+，CP值超高！
📍地址：南山區海德二道正東名苑1號樓107號商鋪
🚆交通：13號線轉乘9號線南山書城站D出口
> “Apple” 詳細分享南山烤肉餐廳必點美食<
-----------------
招募U Creator l 出Post賺額外收入！
立即登記➡️ https://ulapp.hk/nsq06
🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。
-----------------
圖片來源：社群U Creator pickyfoodie_isme 、 chingchingjaiii 、 Angel Lee 、 大大粒 、 ifoodies_dog 、 Bigmouth_jai 、 heimen 、 Apple
ULifestyleApp UCommunity社群 UCreatorHK 深圳 深圳好去處 深圳美食 深圳地鐵 深圳地鐵13號線 南山 寶安 平價美食 情侶好去處 情人節好去處 團年飯 團年飯好去處 北上 親子
閱讀更多